Австралиянинг “Micromine” компанияси билан бўлиб ўтган онлайн видеомулоқотда ушбу мақсадларга қаратилган дастурий таъминотларининг тақдимоти ўтказилди. Хусусан, тақдимотда компания вакиллари томонидан “Micromine Geobank: Micromine дастурларида уран конларини моделлаштириш”, “Micromine Geobank: геология-қидирув ишлари, қазиб олиш ва бошқа йўналишларда маълумотларни сақлашнинг ягона тизимини ташкил этиш” бўйича маълумот берилди.
Мулоқотда компаниянинг Ўзбекистондаги ваколатхонаси раҳбари У.Мансуров, компаниянинг Марказий Осиё бўйича Бош директори Ж.Байров ва геолог-консультант С. Совин, шунингдек, “Навоийуран” ДК томонидан ишлаб чиқариш бўйича директор Н.Урдабаев, Бош геолог Х.Ахадов, Ахборот технологиялари ва рақамлаштириш бўйича директор И. Халиков ҳамда бўлим бошлиқлари ва мутахассислар иштирок этишди.
Тақдимот сўнгида мутахассислар компания вакилларидан тақдим этилаётган дастурий таъминотнинг самарадорлиги ва табиий уран конлари билан интеграциялашуви бўйича ўзларини қизиқтирган саволларга жавоб олишди.
Эслатиб ўтамиз, Micromine Pty Ltd 1986 йилда Австралиянинг Перт шаҳрида ташкил этилган. Компания ўз фаолияти давомида ишлаб чиқаришнинг бутун тизимини қамраб олган ҳолда тоғ-кон саноати учун дастурий таъминот ишлаб чиқиш ва сотиш бўйича жаҳон бозори етакчиларидан бири ҳисобланади. Дунёнинг 12 та давлатида компаниянинг ваколатхоналари очилган.
