Hindistonlik hamkorlar “Navoiyuran”da

Hindiston hukumati Atom energiyasi departamenti bo‘lim boshlig‘i Janob Karthigeyan Palaniswamy boshchiligidagi delegatsiya “Navoiyuran” davlat korxonasiga tashrif buyurdi.

Mehmonlarni korxona bosh muhandisi Anvarjon Saparov samimiy qabul qildi.

Uchrashuv davomida tomonlar o‘zaro hamkorlikning bugungi bosqichi, shuningdek, istiqboldagi rejalarni amalga oshirish imkoniyatlari muhokama qilindi.

Janob Karthigeyan Palaniswamy “Navoiyuran” davlat korxonasi bilan 2022-yildan buyon izchil yo‘lga qo‘yilgan hamkorlikdan mamnunligini bildirdi. U, xususan, o’zaro hamkorlikning ikki tomon manfaatlariga xizmat qilayotganini ta’kidlab, kelgusida ham aloqalarni kengaytirishga tayyor ekanligini qayd etdi.

Uchrashuv do‘stona va o‘zaro ishonch ruhida o‘tdi.