“Navoiyuran” DK va “Cauldron Energy” o‘rtasidagi hamkorlik izchil rivojlanmoqda

Korxona Bosh direktori Djamal Fayzullayev Avstraliyaning  “Cauldron Energy” kompaniyasi bosh ijrochi direktori Djonatan Fisher bilan uchrashuvi bo‘lib o‘tdi.

Muloqot davomida 2025-yilda Sidney shahridagi xalqaro forum doirasida asos solingan o‘zaro munosabatlar qisqa vaqt ichida amaliy bosqichga ko‘tarilganligi ta’kidlandi.

Hamkorlik doirasida muntazam muloqotlar, kelishuvlar va o‘zaro anglashuv memorandumi imzolanib, bu hamkorlikning mustahkam poydevoriga aylandi.

Uchrashuv esa ikki tomonlama ishonchni yanada kuchaytirib, yangi istiqbolli loyihalarga yo‘l ochmoqda. Avstraliyadagi kelgusida uran qazib olish sohasida qo‘shma tashabbuslarni amalga oshirish imkoniyatlari muhokama qilindi.

Tashrif dasturi doirasida korxona faoliyati,  ishlab chiqarish jarayonlari bilan tanishish ko‘zda tutilgan.