“Navoiyuran” xalqaro anjumanda
“Navoiyuran” davlat korxonasi Bosh direktorining moliya, transformatsiya va xususiylashtirish bo‘yicha birinchi o‘rinbosari Hasan Haydarov “Markaziy va Sharqiy Yevropa, Markaziy Osiyo va Turkiyadagi Global Bank Ishlari va Moliya Bozorlari — 2025” xalqaro tadbirida ishtirok etdi.
Turkiya davlatida o’tkazilayotgan ushbu anjuman Markaziy va Sharqiy Yevropa, Markaziy Osiyo va Turkiya qarz bozorlari sohasidagi yuqori lavozimli mutaxassislar uchun yillik muhim uchrashuv hisoblanadi.
Tadbirda hukumatlar, korporatsiyalar, investorlar, banklar, yuridik firmalar, regulyatorlar va xizmat ko‘rsatuvchi tashkilotlardan mingdan ortiq ishtirokchi qatnashib, panel sessiyalarida 70ga yaqin ekspert o‘z fikrlari bilan ishtirok etishdi.
Mazkur tadbir doirasida Fitch va S&P reyting agentliklari bilan korxonaning mavjud reytinglarini yangilash bo‘yicha muzokaralar olib borildi.
Shuningdek, korxonaning Yevroobligatsiyalarini xalqaro bozorda xarid qilgan investorlar hamda Mashreq, Citi, Deutsche Bank, ADCB, Morgan Stanley, FAB kabi yetakchi investitsion moliya institutlari bilan uchrashuvlar o‘tkazildi. Unda korxonaning joriy yil birinchi yarim yillik natijalari va yil yakuni bo‘yicha kutilayotgan natijalar muhokama qilindi.
Sanoatning eng nufuzli ishtirokchlarini bir davraga jamlagan mazkur marosim moliya bozorlarining nufuzini xalqaro investitsiya jamiyati oldida yanada oshirish hamda Markaziy va Sharqiy Yevropa, Markaziy Osiyo va Turkiya kompaniyalarini kelgusi bitimlariga rag‘batlantirish imkonini beradi.
