Eng yaxshi amaliyotlarni ishlab chiqish maqsadlariga tez va samarali erishish uchun “Navoiyuran” DK milliy va xalqaro uyushmalarda ishtirok etib, umumiy maqsadlar va manfaatlar asosida kuchlarni birlashtiradi. Mustaqil korxona maqomi olinishi munosabati bilan 2022-yil 1-yanvarda “Navoiyuran” DK IAEA a’zolari oldida avtomatik ravishda javobgarlikni o‘z zimmasiga oldi va Jahon yadro assotsiatsiyasiga a’zo bo’ldi.
Kompaniya davlat organlari va boshqa manfaatdor tomonlar bilan ishlashda ochiqlik, konstruktiv hamkorlik va mas’uliyat tamoyillariga amal qiladi. Bu esa o‘z navbatida kompaniyaning iqtisodiy qiymatini yaratish, shuningdek, barqaror rivojlanish tamoyillarini ilgari surish uchun asosdir.
IAEA bilan hamkorlik
BMTning to‘laqonli a’zosi sifatida O‘zbekiston Respublikasi 1994-yil 26-yanvarda IAEA tarkibiga kirdi va yadro xavfsizligi va kafolatlarini ta’minlashga qaratilgan xalqaro shartnomalar, bitimlar va konventsiyalarni amalga oshirishda faol ishtirok etdi.
O‘zbekiston Respublikasining 2008-yil 11-noyabrdagi “Ishlatib bo‘lingan yoqilg‘i bilan muomalada bo‘lish xavfsizligi to‘g‘risidagi va radioaktiv chiqindilar bilan muomalada bo‘lish xavfsizligi haqidagi birlashgan konvensiyaga (Vena, 1997-yil 5 sentyabr) O‘zbekiston respublikasining qo‘shilishi to‘g‘risida”gi O‘RQ-186-sonli Qonuniga muvofiq mamlakatimiz ushbu muhim kelishuvga qo‘shildi.
O‘zbekiston Respublikasi Vazirlar Mahkamasining 2015-yil 31-dekabrdagi 379-sonli qaroriga muvofiq O‘zbekiston Respublikasi sanoat xavfsizligi Davlat qo‘mitasi mamlakatning ishlatilgan yoqilg‘i va radioaktiv chiqindilar xavfsizligi to‘g‘risidagi Birlashgan konvensiyasi bo‘yicha majburiyatlari bajarilishini ta ‘minlash, boshqaruv, shuningdek, ushbu masala bo‘yicha IAEA milliy ma’ruzalarini tayyorlash va taqdim etish bo‘yicha vakolatli organ etib belgilandi.
IAEA mutaxassislari va texnik mutaxassislar “Navoiyuran” DK bo‘linmalariga bir necha bor tashrif buyurishdi. Natijada ular kompaniyaning ekologik tizimi bilan to‘liq tanishdilar va barcha kerakli ma’lumotlarga ega bo‘ldilar.
IAEA texnik hamkorlik dasturi tomonidan qo‘llab-quvvatlanadigan yaqin hamkorlik doirasida muntazam ravishda xalqaro uchrashuvlar, konferentsiyalar, amaliy o‘quv tadbirlari va kurslar o‘tkaziladi.
Hamkorlik, shuningdek, xalqaro tashkilotlar va ekspertlar ishtirok etadigan kompaniyaning radiatsiya va yadro xavfsizligi bo‘yicha mutaxassislari ishtirokidagi amaliyotlarni o‘z ichiga oladi. IAEA dasturi, shuningdek, korxonani radiatsiya va dozimetrik nazorat uchun zamonaviy yuqori texnologiyali uskunalar bilan jihozlashda amaliy yordam ko‘rsatishni, uning moddiy-texnik bazasini mustahkamlashga ko‘maklashishni nazarda tutadi.