Murojaatlarni ko‘rib chiqish tartibi

Shikoyat qilish tizimining samarali ishlashi uchun korxonada turli xil kanallar, shu jumladan ishonch telefoni va elektron pochta manzillari mavjud bo‘lib, ular to‘g‘risida ma’lumot korxonaning korporativ veb-saytida mavjud. Korxona vakillariga og‘zaki va yozma ravishda pochta orqali, shuningdek virtual tarzda murojaat qilish imkoniyati mavjud.

Korxonada shikoyat va apellatsiyalar berish mexanizmlari O‘zbekiston Respublikasining 2017-yil 11-sentabrdagi “Jismoniy va yuridik shaxslarning murojaatlari to‘g‘risida”gi qonuniga o‘zgartish va qo‘shimchalar kiritish haqida”gi O‘RQ-445-sonli Qonuniga hamda Vazirlar Mahkamasining 2018-yil 7-maydagi “Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi to‘g‘risidagi Namunaviy nizomni tasdiqlash haqida”gi 341-sonli qaroriga muvofiq tartibga solinadi.