“Navoiyuran” davlat korxonasi O‘zbekiston Respublikasining eng yirik ish beruvchilaridan biri bo‘lib, Navoi viloyatida joylashgan va o‘z hududida sezilarli iqtisodiy salohiyatga ega. Korxonaning asosiy tarkibiy bo‘linmalari quyidagilarni o‘z ichiga oladi:
“Zafarobod” kon boshqarmasi (Navoi va Buxoro viloyatlari), “Uchquduq” ishlab chiqarish maydoni (Navoi viloyatining shimoliy qismi), “Nurobod” ishlab chiqarish maydoni (Samarqand viloyati va Jizzax viloyatining Arnasoy tumani), Navoi shahrida joylashgan “Navoiyuran” davlat korxonasi boshqarmasi hamda Uran ishlab chiqarish zavodi.
Korxona mahalliy aholini rivojlantirishga qaratilgan bo‘lib, barcha mavjud mintaqalarda ijtimoiy hayotni yaxshilash va farovonlikka hissa qo‘shishga intiladi. “Navoiyuran” davlat korxonasi mahalliy aholi ehtiyojlari va biznes maqsadlariga javob beradigan ijtimoiy loyihalarga sarmoya kiritadi. Jumladan, ijtimoiy infratuzilma va shahar muhitini rivojlantirish, ommaviy va bolalar sportini qo‘llab-quvvatlash, xizmatlar va sog‘liqni saqlash sifatini oshirish, nogironliga bor qatlamnini qo‘llab-quvvatlash, ta’limni qo‘llab-quvvatlash va madaniyatni rivojlantirish.
Korxona innovatsion faoliyati doirasida O‘zbekiston Respublikasining quyidagi yetakchi universitetlari va ilmiy muassasalari bilan samarali hamkorlik qilmoqda:
- Navoiy davlat konchilik va texnologiyalar universiteti;
- U.A. Arifov nomidagi O‘zbekiston Respublikasi Fanlar akademiyasi Ion-plazma va lazer texnologiyalari instituti;
- O‘zbekiston Respublikasi Fanlar akademiyasi Yadro fizikasi instituti;
- Islom Karimov nomidagi Toshkent davlat texnika universiteti va boshqalar.
2023-yil uchun xayriya va homiylik uchun ajratilgan umumiy summa 2,7 million AQSh dollarini tashkil etdi.
23-jadval . 2023-yildagi homiylik
| № | Tashkilotlar | Homiylik turlari | Summa, mln AQSh dollari |
| 1 | Samarqand viloyati hokimligi | Nurobod tumani 4R-52 Nurobod-Tim-Navoiy yo‘lini ta’mirlash | 0.77 |
| 2 | Homiylik | Nurobod tumani 4R-52 Nurobod-Tim-Navoi yo‘lini ta’mirlash | 0.91 |
| 3 | Navoi viloyati Milliy gvardiya boshqarmasi | Texnik suv ta’minoti uchun yer osti vertikal qudug‘i | 0.02 |
| 4 | OAJ “Urankamyobmetgeologiya” | Byudjet va xodimlar oldidagi majburiyatlarni, yetkazib beruvchilarga qarzlarni qoplash uchun moliyaviy yordam | 0.16 |
| 5 | Navoi viloyati Xatirchi tumanidagi maktablar | Tumanidagi 7 ta maktabda quyosh va dizel elektr stantsiyalarini o‘rnatish | 0.16 |
| 6 | “Mijozlarga xizmat ko‘rsatish bo‘limi” DUK Navoi viloyati boshqarmasi | Xavfsizlik xizmati qo‘riqlash postlariga texnik suv ta’minoti uchun 4 ta yer osti vertikal qudug‘i | 0.05 |
| 7 | Tog’-kon sanoati va geologiya vazirligi | Konchilik va metallurgiya sohasidagi rivojlanish masalalari bo‘yicha konferensiya tashkil etish | 0.01 |
| 8 | O‘zbekiston Karate federatsiyasi | Homiylik | 0.09 |
| 9 | Tog’-kon sanoati va geologiya vazirligi | Toshkent viloyati Bo‘stanliq tumanidagi Burchmullo o‘rmon xo‘jaligida vazirlik bog‘ini tashkil etish | 0.02 |
| 10 | Tog’-kon sanoati va geologiya vazirligi huzuridagi Geologiya fanlari universiteti | Alternativ qayta tiklanuvchi energiya manbalarini joriy etish | 0.06 |
| 11 | Geologlar milliy qo‘mitasi | Sport musobaqalarini o‘tkazish | 0.01 |
| 12 | Tog’-kon sanoati va geologiya vazirligi | Samarqand shahrida tashkil etilgan tadbirda ishtirok etish va mehmonlarni kuzatib borish | 0.01 |
| 13 | Transport vositalarini taqsimlash | Navoi viloyati Zafarobod qo‘rg‘onidagi 28 va 16-maktab o‘quvchilarini tashish | 0.01 |
| 14 | O‘zbekiston Qizil yarim oy jamiyati Navoi viloyat tashkiloti | Yakka-yolg‘iz va o‘zgalar ko‘magiga muhtoj keksalar uchun moliyaviy yordam | 0.01 |
| 15 | Boshqa homiylik xizmatlari | Ijtimoiy himoyaga muhtojlar, nogironlar, boquvchisini yo‘qotgan, moliyaviy yordamga muhtoj fuqarolar va ularning oilalari uchun | 0.01 |
| 16 | OAJ “Urankamyobmetgeologiya” | Byudjet va xodimlar oldidagi majburiyatlarni qoplash uchun moliyaviy yordam | 0.4 |
| 17 | “Mijozlarga xizmat ko‘rsatish bo‘limi” DUK Navoi viloyati boshqarmasi | Navoi viloyati Milliy gvardiya boshqarmasining o‘quv maydonida ekilgan daraxtlarni sug‘orish uchun drenaj uskunalarini o‘rnatish | 0.00 |
| 18 | O‘zbekiston OAV Milliy assotsiatsiyasi | “Renessans” milliy mukofoti g‘oliblarini taqdirlash | 0.01 |
| 19 | “Navoi kon metallurgiya kombinati jamg‘armasi” DM | Tibbiy uskunalarni sotib olish | 0.03 |
| 20 | Tog’-kon sanoati va geologiya vazirligi | Toronto, Kanada shahrida bo‘lib o‘tadigan Xalqaro konchilik ko‘rgazmasida ishtirok etish | 0.01 |
| Jami, million AQSh dollari | 2.7 | ||
Korxona har yili homiylik tadbirlariga mablag‘ ajratadi. 2023-yilda kompaniya ta’lim, sport va madaniyat sohalaridagi tadbirlarni hamda aholiga yordam berishni moliyalashtirdi.
2023-yilda korxona xayriya va homiylik uchun ajratilgan xarajatlarni 2022-yilga nisbatan sakkiz barobar oshirib, O‘zbekiston Respublikasining ijtimoiy rivojlanishiga katta hissa qo‘shish niyatida ekanligini ko‘rsatdi.