Korxonada yana bir xalqaro mukofot
“Navoiyuran” davlat korxonasi “Global Banking & Markets AWARDS 2025” taqdirlash anjumanida “Yilning eng yaxshi debyut korporativ obligatsiyasi” (“Debut Corporate Bond of the Year”) mukofotiga sazovor bo‘ldi
2014-yildan buyon Global Banking & Markets AWARDS suveren, korporativ va moliyaviy institutlar ishtirokida amalga oshirilgan eng innovatsion, tuzilishi murakkab va bozorda tub o‘zgarish yaratgan moliyaviy bitimlarni rag‘batlantirib kelmoqda.
Mukofotning saralash jarayoni bitimlar hajmi, amal qilish muddati, tuzilishi va taqsimotini chuqur o‘rganish, shuningdek qarz oluvchining kredit tarixi va moliyalashtirish imkoniyatlarini tahlil qilishni qamrab oladi. Ijro sifati yuqori, yangi likvidlik manbalarini ochgan, innovatsion yondashuvga ega hamda yangi bozorlarga chiqish imkonini taqdim etgan bitimlarga alohida ustunlik beriladi.
Ushbu nufuzli tanlov doirasida “Navoiyuran” davlat korxonasi “Debut Corporate Bond of the Year” mukofoti bilan taqdirlandi. Bu e’tirof korxonaning kapital bozorlariga ilk chiqishi muvaffaqiyatli amalga oshirilgani, moliyaviy faoliyatning shaffofligi va xalqaro standartlarga mosligi e’tirof etilganidan dalolat beradi.
“Global Banking & Markets: AWARDS 2025” taqdirlash marosimi moliya sohasining eng nufuzli ekspertlari va yetakchi tashkilotlarini birlashtirib, xalqaro investitsiya hamjamiyati e’tiborini mintaqaviy moliya bozorlariga qaratdi hamda kelgusi moliyaviy instrumentlarning emissiyasiga turtki berdi.
Ta’kidlash joizki, ushbu nufuzli tanlov doirasida “Navoiyuran” davlat korxonasi “Debut Corporate Bond of the Year” mukofoti bilan taqdirlandi. Bu e’tirof korxonaning kapital bozorlariga ilk 300 million dollarlik Eurobond emissiyasi bo‘yicha joylashtirish jarayonida investorlar tomonidan 1 milliard 221 million dollarlik buyurtmalar kelib tushdi. Bu esa taklif qilingan hajmga nisbatan 4,33 baravar ortiq talab shakllanganini hamda muvaffaqiyatli amalga oshirilgani, moliyaviy faoliyatning shaffofligi va xalqaro standartlarga mosligi e’tirof etilganidan dalolat beradi.
Korxonaning mazkur mukofotga sazovor bo‘lishi uning strategik transformatsiyasi, korporativ boshqaruvni kuchaytirish, moliyaviy barqarorlikni ta’minlash va xalqaro bozorlardagi nufuzini oshirish borasidagi ishlarning muhim natijasi hisoblanadi.
